Ад пачатку году мясцовая станцыя хуткай медыцынскай дапамогі абслужыла 17 932 тэлефанаванняў на нумар 103.
Ад пачатку году мясцовая станцыя хуткай медыцынскай дапамогі абслужыла 17 932 тэлефанаванняў на нумар 103.
На працягу першага паўгоддзя 2009 г. Слуцкай станцыяй хуткай медыцынскай дапамогі было абслужана 17 932 званкоў альбо ў сярэднім на нумар 103 паступала 98 званкоў у дзень (прыблізна 4 званкі за гадзіну). Пра гэта з карэспандэнтам газеты «Кур’ер» сказаў Іван Зяневіч, галоўны лекар Слуцкай станцыі хуткай медыцынскай дапамогі.
«Рэйтынг» захворванняў. Ад агульнай колькасці выклікаў:
- каля 40% выпадкаў медыкаў выклікалі з прычыны сардэчна-сасудзістых захворванняў (6429 выклік);
- 12,8% - хваробы органаў дыхання (2418 выклікаў);
- 7,4% - хваробы органаў стрававання (1387 выклікаў).
Паводле Івана Зяневіча, у параўнанні з мінулым годам, гэтыя суадносіны істотна не змяніліся.
Нагадаем, што насельніцтва Случчыны складае каля 98 тысячаў чалавек, у самім Слуцку жыве каля 63 тысяч.
«Хуткая» забрала амаль 5000 чалавек.
Усяго за паўгады ў стацыянар Слуцка цэнтральнай раённай бальніцы брыгадамі хуткай медыцынскай дапамогі дастаўлена 4931 чалавек. Некаторыя пасля аказання першай медыцынскай дапамогі здолелі пайсці дахаты, іншыя траплялі ў рэанімацыю і/альбо, у выпадку нелетальнага выніку, працягвалі лячэнне ў бальніцы.
У астатніх 13 001 выпадку дапамога аказвалася на месцы, ёсць у статыстыцы і хлуслівыя выклікі альбо званкі, падчас якіх людзям аказвалі кансультацыйную дапамогу.
Тэрміновыя выклікі.
З агульнай колькасці званкоў на нумар 103 тэрміновыя выклікі склалі 1365 выпадкаў.
«Гэта выклікі, калі важная кожная хвіліна. Як правіла, па гэтай катэгорыі выпадкаў брыгады выязджаюць на рознага кшталту няшчасныя выпадку, у тым ліку на ДТЗ», — сказаў Іван Зеневіч.
Каментары