Бестселер, прарыў — Фёдар Поўны выказаўся пра духоўна-патрыятычны факультатыў
Факультатыў «Асновы духоўна-маральнай культуры і патрыятызму», укаранёны ў беларускіх школах, хутка прадэманструе свой вынік. Пра гэта заявіў протаіерэй Фёдар Поўны, піша БелТА.
Протаіерэй прызнаўся, што для яго дзіўны «негатыўны інфармацыйны шум», які ўзнік наконт факультатыва. Ён мяркуе, што ў такіх нападкаў была мэта, «каб мы не гадавалі сапраўдных патрыётаў, якія думаюць і аналізуюць, духоўна развітых».
«Сёння, калі гэты факультатыў рэальна ўкараніўся, зроблены першы крок, усе ўсё ўбачылі і зразумелі. Што гэта, вобразна кажучы, прарыў. Факультатыў дае нам падставы не толькі займацца чыста рэлігійнымі пытаннямі, але і духоўна і маральна ўзбагачаць чалавека. Калі не будзе чыстай душа, не будзе маральнай аснова, мы не можам казаць пра патрыятызм. Бо яго нельга прышчапіць па метадычцы, ён павінен нараджацца знутры», — сказаў Фёдар Поўны.
«Наклад 6 тысяч асобнікаў ужо стаў бестселерам. Сёння ўжо 60 тысяч асобнікаў трэба», — дадаў Фёдар Поўны.
Нагадаем, з гэтага навучальнага года ў школах новы факультатыў — «Асновы духоўна-маральнай культуры і патрыятызму». Яго будуць праводзіць для 5-6-х класаў. Праграма складалася разам з праваслаўнай царквой.
Каталіцкі касцёл у абмеркаванні праграмы не ўдзельнічаў.
Каментары