«Як вам жыць у Мордары? Мне зашыбісь». Прапагандыст Прыдыбайла ў маскоўскім клубе прычапіўся да спявачкі Дакоты
Гісторыя здарылася на канцэрце ў маскоўскім клубе. Рыта Дакота адпачывала там, калі да яе падышлі двое незнаёмых мужчын. Імі аказаліся прапагандыст Russia Today Канстанцін Прыдыбайла і ўкраінскі блогер Павел Кухаркін, які захапляўся Крымам.
«Яны сталі тыкаць у твар тэлефонам з пытаннямі пра Лукашэнку. Мяркую, што гэта нейкія «журналісты», калі можна гэту гордую прафесію так прынізіць, прылічыўшы да яе гэтых людзей, — эмацыйна напісала спявачка ў сацсетках. — Але вось сітуацыя ў двух словах.
Я сяджу ў шапцы і акулярах (бо пасля касметолага), у куце, нікога не чапаю, слухаю сяброўку, падпяваю песні. А яны падлятаюць збоку, хамяць, прыніжаюць, здымаюць проста ўпрытык мой твар.
Потым адзін з іх стаў крычаць на мяне: «Ды яна не артыстка наогул, ды каму яна патрэбная», і выкладаць усё гэта ў нейкія тэлеграм-каналы»,
Фрагмент гэтай размовы Прыдыбайла апублікаваў у сябе.
— Як вам жыць у Мордары, які падтрымлівае беларускі рэжым? — пытаецца ён у Дакоты.
— А вам як? — заступаецца за Рыту сябар, пакуль тая стараецца не звяртаць увагі на прапагандыста.
— Мне зашыбісь.
Сябры спявачкі выклікалі ахову і правялі яе да машыны.
«У моманце сітуацыя не была смешнай, яны выглядалі, нібыта гэта людзі, якія гатовы мяне зараз ударыць», — падзялілася ў сторыс Дакота.
Пасля леташніх выбараў папулярная спявачка выказвала сваю грамадзянскую пазіцыю. Яна запісала песню «Уходи», кліпам на якую сталі кадры беларускіх пратэстаў.
Чытайце таксама:
«Скажу дзецям, што Косця памёр»: прапагандыста Прыдыбайлу не запрасілі на вяселле найлепшага сябра
Супрацоўнік «Рашы Тудэй» Прыдыбайла з'явіўся каля БТ, калі пайшлі чуткі пра завоз работнікаў з Расіі. Хто гэта?
Цяпер чытаюць
18‑гадовага хлопца абвінавацілі ў адмаўленні генацыду беларускага народа20
Каментары