У старшыні Саюза палякаў Анжалікі Борыс у СІЗА значна пагоршылася здароўе
Борыс «неабходная дапамога дактароў», паведаміў намеснік старшыні незарэістраванага Саюза палякаў Марэк Занеўскі.
Занеўскі заявіў, што арганізацыя, адвакаты і польскія ўлады спрабуюць рабіць усё, каб Борыс атрымала медыцынскую дапамогу, але пакуль безвынікова. Ён дадаў, што з Анжалікай Борыс і журналістам Андрэем Пачобутам «няма сувязі».
Анжаліка Борыс была затрыманая ў Гродне 23 сакавіка. Яна праходзяць па справе аб «распальванні рэлігійнай і нацыянальнай варожасці» (частка 3 артыкула 130 КК).
Андрэй Пачобут арыштаваны 25 сакавіка.
Па гэтай справе былі арыштаваныя актывісткі Саюза палякаў з Ліды, Ваўкавыска і Брэста Ірэна Бярнацкая, Марыя Цішкоўская і Ганна Панішава. Праз некалькі месяцаў утрымання ў СІЗА іх вызвалілі і прымусілі пакінуць Беларусь.
Каментары