Пуцін: Калі ЗША нас не пачуюць, ваенны адказ можа быць «самым розным»
Ваенна-тэхнічны адказ Расіі пры адмове ЗША і НАТА разглядаць так званыя «прапановы па гарантыях бяспекі» можа быць «самым розным». Аб гэтым заявіў прэзідэнт Расіі Уладзімір Пуцін.
«Ён [адказ] можа быць самым розным. Гэта залежыць ад тых прапаноў, якія зробяць мне нашы ваенныя эксперты», — адказаў ён на пытанне пра тое, якім можа быць адказ Расіі ў выпадку, калі ЗША і НАТА «не пачуюць нас і гэтым разам».
Нагадаем, апошнія месяцы, на фоне з'яўлення вялікай колькасці расійскіх войскаў на мяжы з Украінай, расійскі прэзідэнт патрабуе ад заходніх краін, у тым ліку ад Джо Байдэна, «гарантый бяспекі», галоўнай з якіх з'яўляецца неўступленне Украіны ў НАТА. Хоць сам Пуцін на пачатку сваёй прэзідэнцкай кар'еры, у 2000 годзе, не выключаў, што Расія ў перспектыве сама можа стаць членам НАТА. Аднак уступленне ў блок краін Цэнтральнай і Усходняй Еўропы выклікала нервовую рэакцыю ў Маскве.
-
Расійскі Следчы камітэт распачаў крымінальную справу праз інцыдэнт на буравой вышцы «Беларуснафты» на Ямале
-
Трамп гатовы разам з Еўропай ціснуць на Расію з дапамогай новых санкцый
-
Чэшскага генэрала Вайцяхоўскага, які паходзіў з Віцебска і загінуў у ГУЛАГу, пасмяротна ўзнагародзілі Крыжам абароны дзяржавы
Цяпер чытаюць
Мельнікава крала грамадскія грошы па $2500, пераводзячы на ўласны рахунак21
Каментары