На 81-м годзе пайшоў з жыцця акцёр Нацыянальнага акадэмічнага драматычнага тэатра імя Горкага ў Мінску Віталь Быкаў.
«Мы страцілі таленавітага артыста. Яго сыход — цяжкая і незаменная страта для ўсіх нас», — гаворыцца ў паведамленні на сайце тэатра.
Віталь Быкаў нарадзіўся 26 чэрвеня 1941 года ў Даўгаўпілсе ў Латвіі. У 1964 годзе скончыў Ленінградскі інстытут тэатра, музыкі і кіно, перабраўся ў Мінск. У Тэатры імя Горкага працаваў з 1972 года, там сыграў больш за 60 роляў. Сярод якіх: Гаўрыла — «Гарачае сэрца» А. Астроўскага, Чорт — «Птушкі нашай маладосці», Дональбайн — «Макбет», Роберт — «Трохграшовая опера» Б. Брэхта, Гільдэнстэрн — «Гамлет», Каландзёнак — «Знак бяды» ды інш.
Сыграў таксама некалькі роляў у кіно, у тым ліку дырэктара дзіцячага дома ў культавых «Корціку» і «Бронзавай птушцы», Свянткоўскага ў «Знаку бяды».
Удава актывіста Максіма Чарняўскага расказала пра яго пакуты перад суіцыдам5
Каментары