Вядомы доктар Камароўскі звярнуўся да беларусаў: Зрабіце ўсё, што можна
Вядомы ўкраінскі педыятр доктар Камароўскі — адзін з самых папулярных дактароў на постсавецкай прасторы. Яго парадамі карысталіся тысячы сем'яў у нашай краіне. Ён звярнуўся да беларусаў.
«Хлопцы, беларусы, сябры мае. Мы з вамі гадоў 30 ужо як размаўляем, вучымся разам, сябруем. Я столькі разоў быў у Мінску.
Я вас прашу, трэба тэрмінова прымаць рашэнне. Цалкам відавочная інфармацыя пра тое, што Беларусь актыўна ўцягваюць у вайну, што вашы дзеці будуць накіраваныя на тэрыторыю Украіны.
Толькі вы цяпер, абʼяднаўшыся, можаце не дапусціць гэтага.
Калі гэта адбудзецца, адносіны паміж нашымі народамі могуць быць разарваныя на дзесяцігоддзі.
Зрабіце ўсё, што можна. Перашкаджайце адпраўцы вашых салдат ва Украіну. Пераможам разам!» — сказаў ён.
Каментары