У Кіеве з'явяцца вуліцы Уладзіміра Караткевіча і Кастуся Каліноўскага. Такія новыя назвы рэкамендавала экспертная камісія, іх падтрымалі ўдзельнікі анлайн-галасавання, паведамляе «Еўрарадыё».
Пры гэтым варыянт з Каліноўскім перамог у прапановах па перайменаванні і вуліцы Брэсцкай, і Астраханскай (за Украіну ваюе беларускі полк імя Кастуся Каліноўскага). Варыянт з Караткевічам перамог у прапановах па перайменаванні вуліцы Дабралюбава.
Тым часам плошчу Герояў Брэста ў Кіеве збіраюцца перайменаваць у Чарнабаеўскую. Яна была названая ў 1977-м у гонар абаронцаў Брэсцкай крэпасці лета 1941-га. Новая назва будзе ў гонар месца шматразовых перамог украінскай зброі — легендарнай Чарнабаеўкі ў Херсонскай вобласці.
Мінскі праспект можа стаць Літоўскім.
Анлайн-галасаванне па перайменаванні амаль трох соцень аб'ектаў працягвалася з 15 па 19 чэрвеня. Далей вынікі разгледзіць Кіеўская гарадская рада.
Раней стала вядома, што «Мінскую» станцыю кіеўскага метро збіраюцца назваць «Варшаўскай», а «Брэсцкую» — «Бучанскай».
Прычына перайменаванняў — агрэсія Расіі супраць Украіны, у якой Беларусь выступае як саюзнік расіян.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым3
Каментары