«У Вялікую Айчынную вайну ніхто не пытаўся пра зарплату». У Расіі дырэктар завода ўцямна патлумачыў нявыплату заробкаў
Уральскі кампрэсарны завод з-за вайны не выплаціў заробкі рабочым. Тыя, піша агенцтва ЕАН, не атрымалі частку зарплаты за красавік і май. Генеральны дырэктар завода Дзяніс Тасакоў заявіў, што праблемы ўзніклі з-за санкцый, якія ўвялі супраць Расіі з-за ўварванне ва Украіну.
«Многія прадпрыемствы, з якімі мы супрацоўнічаем, трапілі пад санкцыі, у іх завіслі грошы ў санкцыйных банках на спецрахунках. У некаторых былі экспартныя кантракты, за якія яны не могуць атрымаць грошы, плюс курс валют практычна да страты ўсіх прыводзіць. Адпаведна, гэтыя прадпрыемствы не разлічваюцца з намі. Мы — маленькія і апынуліся апошнімі ў гэтым ланцужку», — сказаў ён.
Па словах Тасакова, да вырашэння праблемы падключыўся губернатар Свярдлоўскай вобласці Яўген Куйвашаў, дэпутаты і федэральныя ўлады. Сёння рабочыя, якія ўдзельнічалі ў страйку, павінны атрымаць частку грошай за красавік. А тых, хто не ўдзельнічаў у страйку, разлічаць цалкам.
Дырэктар завода лічыць, што людзі павінны ўвайсці ў сітуацыю і «адумацца».
«Я хацеў бы, каб людзі адумаліся. Я ні ў каго не хачу прасіць прабачэння, таму што ўсе павінны разумець сітуацыю. У Вялікую Айчынную вайну ніхто не пытаўся пра заробак, а ў нас дзяржабаронзаказ, і ён цяпер пад пагрозай зрыву. Людзі гінуць, і гэта, мне здаецца, важней. А цяпер усе такія разумныя сталі, забастоўкі ў нас!
Хоць не выходзіць на працу 50 чалавек, а калектыў — 370», — сказаў ён.
Саша Філіпенка расказаў, чаму не плануе пісаць па-беларуску і як Беларусь можа стаць падарункам Расіі ў вайне64
Каментары