У пачатку ліпеня недалёка ад вёскі Чэмкі на Лагойшчыне адбыўся незвычайны пажар на беразе ракі Цна. Пасля яго з моцнымі апёкамі быў дастаўлены ў бальніцу 61-гадовы мясцовы жыхар. У сельсавеце мяркуюць, што мужчына мог заснуць каля рэчкі з непатушанай цыгарэтай.
Старшыня мясцовага Швабскага сельсавета Людміла Тупік расказала пра гэта здарэнне наступнае:
«Мужчына жыве ў вёсцы Масцішча. Хто яго ведае, што ён рабіў на беразе ракі, але быў адзін. Побач знайшлі двухлітровую бутэльку з-пад піва. Мужчына — курэц. Магчыма, закурыў, заснуў і пад ім загарэлася трава.
Супрацоўнік МНС у гэты час абыходзіў жылы фонд, яму сказалі, што на беразе нешта гарыць, і ён выявіў гэты пажар. Потым прыехала хуткая дапамога, якая забрала пацярпелага ў бальніцу. Кажуць, што ён моцна абгарэў».
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары