Суд вынес прысуд за хабарніцтва былому генеральнаму дырэктару Пінскага мясакамбіната. Акрамя яго, судзілі начальніка аддзела знешнеэканамічнай дзейнасці прадпрыемства, а таксама таго, хто даваў хабар.
Прысуд абвінавачаным вынеслі яшчэ 7 ліпеня, паведамляе Вярхоўны суд
Былога гендырэктара і экс-начальніка аддзела знешэканамічнай дзейнасці абвінавацілі ў тым, што яны ўступілі ў змову, і з лютага 2020 года па кастрычнік 2021 года сістэматычна атрымлівалі хабары за спрыяльнае вырашэнне пытанняў па забеспячэнні адгрузак фірмам з Казахстана.
У матэрыялах суда пазначана, што яны атрымалі 49 тысяч даляраў у якасці хабару. Узнагароджанне ім перадаваў прадстаўнік і дырэктар фірмаў «Bravo Meat» і «Рэзерв Bravo».
Прысудам былы гендырэктар і начальнік аддзела ЗЭД Пінскага мясакамбіната прызнаныя вінаватымі паводле ч. 3 арт. 430 (атрыманне хабару групай асоб па папярэдняй змове, у асабліва буйным памеры) КК Беларусі.
Генеральны дырэктар атрымаў 7 гадоў папраўчай калоніі ўзмоцненага рэжыму і штраф у 96 тысяч рублёў. Начальнік аддзела ЗЭД — 5 гадоў папраўчай калоніі агульнага рэжыму і штраф у 32 тысячы рублёў.
Прадстаўнік камерцыйных структур Казахстана прызнаны вінаватым паводле ч. 3 арт. 431 (дача хабару ў асабліва буйным памеры). Яму прызначанае пакаранне ў выглядзе пазбаўлення волі на тэрмін 5 гадоў у папраўчай калоніі ўзмоцненага рэжыму і штраф у 64 тысячы рублёў.
Прысуд не ўступіў у законную сілу і можа быць абскарджаны і апратэставаны ва ўстаноўленым заканадаўствам парадку.
Дырэктар Слуцкага мясакамбіната быў асуджаны на чатыры гады калоніі.
Чытайце таксама:
«За кілаграм мяса плоціцца 20 цэнтаў зверху наяўнымі». Як працуюць «шэрыя схемы» мясакамбінатаў
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый67
Каментары