ДПС Украіны: Беларускі памежнік перайшоў ва Украіну, каб ваяваць супраць Расіі
Беларускі памежнік, які незаконна перасек беларуска-ўкраінскую мяжу ў Шацкім раёне Валынскай вобласці, патлумачыў сваё парушэнне жаданнем ўступіць ва ўкраінскую армію, паведамляе «Свабода».
«Мужчына таксама расказаў, што меў аднадумцаў па гэтым пытанні, і з адным з іх вырашылі накіравацца ва Украіну, але ў памежжы іх выявілі і са стральбой праследавалі, таму перасячы мяжу змог толькі ён адзін», — паведамілі «Свабодзе» ў Дзяржаўнай памежнай службе Украіны.
Цяпер праводзіцца праверка агучанай ім інфармацыі, і пасля яе будзе прынятае рашэнне аб яго далейшым лёсе.
Пра лёс беларускага памежніка, які не змог перайсці мяжу, нічога не вядома.
Паводле «Свабоды», інцыдэнт здарыўся 29 чэрвеня ў 13:20. Але вядома пра яго стала 12 ліпеня, пасля таго, як апублікавалі адпаведнае судовае рашэнне: беларускага памежніка пакаралі арыштам.
Грамадзянін Беларусі, які служыць старшыной па матэрыяльным забеспячэнні ў Брэсцкай памежнай групе, перасек мяжу па-за пунктам пропуску на тэрыторыі Шацкай грамады Ковельскага раёна Валынскай вобласці ў кірунку Дубок (Беларусь) — Хрыпск (Украіна).
Яго затрымаў патруль украінскіх памежнікаў і склаў акт аб парушэнні паводле ч. 1 артыкула 204-1 Кодэкса Украіны аб адміністрацыйных правапарушэннях.
Памежніка пакаралі арыштам на двое сутак з 29 чэрвеня. Згодна з рашэннем суда, ён таксама мусіў сплаціць 496 грыўняў судовага збору.
Пазней Дзяржаўны памежны камітэт Беларусі даў афіцыйны каментар.
«Дзяржаўны памежны камітэт афіцыйна паведамляе, што інцыдэнтаў, звязаных з ваеннаслужачымі органаў пагранічнай службы, не было: ніводны беларускі памежнік мяжу з Украінай не перасякаў. Усе беларускія памежнікі знаходзяцца на месцах службы і выконваюць задачы па ахове дзяржаўнай мяжы», — гаворыцца ў паведамленні.
У той жа час 30 чэрвеня Пагранічны камітэт Беларусі паведамляў пра спробу двух чалавек незаконна перасекчы мяжу з Украінай, што прынамсі пацвярджае сам факт інцыдэнту. Паводле афіцыйнай інфармацыі 29 чэрвеня памежнікі затрымалі аднаго з парушальнікаў. «Другі парушальнік, магчыма, незаконна перасек мяжу ва Украіну», — паведамляў ПКБ.
Чытайце таксама:
ДПК: Два чалавекі спрабавалі незаконна трапіць ва Украіну
Радыё Свабода: Беларускі памежнік нелегальна перайшоў мяжу з Украінай
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2121
Каментары