«За апошнія 200 гадоў мы з Расіяй ваявалі тройчы». Венгрыя ўжо згодная на транзіт праз сваю тэрыторыю вайсковых грузаў ва Украіну
Намеснік міністра знешняй эканомікі і замежных спраў Венгрыі Левентэ Мадзяр падчас сённяшняй сустрэчы з мэрам Львова Андрэем Садовым заявіў, што трэція краіны змогуць карыстацца тэрыторыяй Венгрыі для пастаўкі зброі ва Украіну.
Раней паведамлялася, што Венгрыя пярэчыць супраць паставак заходняй зброі Украіне, каб, маўляў, не падвяргаць небяспецы расійскіх абстрэлаў венграў, якія кампактна жывуць у Закарпацкай вобласці.
Але цяпер венгерскі чыноўнік заявіў, што праз тэрыторыю Венгрыі будуць ісці любыя грузы, у тым ліку і вайсковыя.
«Мы ўражаныя падзеямі, якія тут адбываюцца, мы сапраўды спачуваем вам. За апошнія 200 гадоў мы з Расіяй ваявалі тройчы.
Гэтыя войны былі не на жыццё, а на смерць. У адрозненне ад многіх заходніх партнёраў, мы на сабе адчулі, што гэта такое — супрацьстаянне гэтай велізарнай усходняй краіне.
Пры гэтым сама Венгрыя не будзе пастаўляць сваёй зброі — гэта наша стратэгічная пазіцыя. Аднак трэція краіны могуць карыстацца нашай тэрыторыяй», — сказаў Левентэ Мадзяр.
Акрамя гэтага, Венгрыя гатовая прыняць украінскіх дзяцей у свае санаторыі і лагеры. Таксама венгерская дэлегацыя прапанавала дапамагчы ў лячэнні цывільных і вайскоўцаў у сваіх медустановах, а таксама запэўніла ў гатоўнасці даць 1000 стыпендый для ўкраінцаў у сваіх універсітэтах.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі69
Каментары