Пра гэта ў аўторак заявіў на брыфінгу для журналістаў афіцыйны прадстаўнік ЗША.
Паводле яго слоў, прадстаўнікі большасці краін G20 сабраліся ў апошнія дні і пагадзіліся з тым, што вайна Расіі супраць Украіны павінна быць асуджаная самым рашучым чынам.
У G20 уваходзіць і Расія, таму кансэнсус тут наўрад ці магчымы.
Амерыканскі прадстаўнік адмовіўся паведаміць, якую форму прыме гэтае асуджэнне.
«Я не буду апярэджваць завяршальныя перамовы, але G20 дасць зразумець, што расійская вайна сее хаос сярод людзей і ў сусветнай эканоміцы ў цэлым», — сказаў ён на ўмовах ананімнасці.
Паводле яго слоў, большасць краін G20 згодная з тым, што вайна ва Украіне стала прычынай эканамічных цяжкасцей і нестабільнасці, якая назіраецца ў многіх частках свету.
