ІЛ-76ТД EW-434ТН каштуе 1 732 735 рублёў 20 капеек (708 тысяч 685 даляраў 15 цэнтаў у эквіваленце). А ІЛ-76ТД EW-78839 прадаецца за 1 681 772 рублі 40 капеек (687 тысяч 841 даляр).
У «Куфары» тлумачаць, што ІЛ-76 — адзін з несумненных хітоў савецкага авіябудавання. Гэты цяжкі ваенна-транспартны самалёт, распрацаваны ў канструктарскім бюро Ільюшына, быў першым у СССР «транспартнікам» з турбарэактыўнымі рухавікамі.
Абодва самалёты адносяцца да грамадзянскай мадыфікацыі, з якой было дэмантавана абсталяванне ваеннага прызначэння. Тэхнічныя характарыстыкі мадэлі наступныя: грузападымальнасць — 50 тон, максімальная ўзлётная маса — 190 тон, далёкасць палёту з максімальнай загрузкай — 3 600 кіламетраў.
Абодва борты належалі кампаніі «Трансавіяэкспарт». Яны эксплуатаваліся з 1989-га і 1990-га гадоў. Знаходзяцца на захоўванні ў Магілёве і Мінску.
