Швецыя дасць Украіне ваенную дапамогу ў памеры прыкладна 276 млн еўра. «Гэты пакет ваеннай дапамогі большы, чым усе восем папярэдніх пакетаў, разам узятых», — заявіў на прэс-канферэнцыі шведскі прэм'ер-міністр Ульф Крыстэрсан, падкрэсліўшы, што гэта самы буйны адзіны пакет, які калі-небудзь вылучала Швецыя.
Па словах міністра абароны Пола Ёнсана, у яго ўвойдуць сістэма СПА, а таксама боепрыпасы са шведскіх запасаў.
