Матч адборачнага турніру чэмпіянату свету па футболе (Мексіка — Сальвадор, 4‑ты раўнд КОНКАКАФ) быў спынены ў самым пачатку з той прычыны, што ля варот гасцей з’явіўся рой пчол.
Пчол ганялі шэсць хвілін і такі выгналі. А мексіканцы перамаглі 4:1 і выйшлі, разам са зборнай ЗША, на чэмпіянат свету.
Турнірнае становішча: ЗША — 19, Мексіка — 18, Коста‑Рыка — 15, Гандурас — 13, Сальвадор — 8, Трынідад і Табага — 5.
3‑е месца ў гэтай групе, што дае прамую пуцёўку на чэмпіянат свету, разыграюць 14 кастрычніка ў завочным супрацьстаянні Коста‑Рыка і Гандурас.
Коста‑Рыка згуляе ў гасцях з ЗША, а Гандурас адправіцца ў Сальвадор.
Каманда, што зойме 4‑е месца ў групе, адправіцца гуляць стыкавы матч з 5‑й камандай Паўднёвай Амерыкі.
А гэта можа быць і Аргентына, і Уругвай, і Эквадор. Пуцёўкі ў Паўднёвую Афрыку тут заваявалі Бразілія, Парагвай, Чылі.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары