Прамень з самалёта трапіў у аўтамабіль, які рухаўся больш чым за 200 км ад яго, і зрабіў дзіру ў ягоным кузаве.
Спецыялісты ВПС ЗША і кампаніі Boeing заявілі пра паспяховае выпрабаванне лазернай зброі вялікай магутнасці, перадае Associated Press.
Падчас выпрабавання лазерны прамень, пушчаны з прыстасавання, размешчанага на самалёце C-130H, трапіў у аўтамабіль у руху, што знаходзіўся больш чым за 200 км ад яго, і зрабіў дзіру ў ягоным кузаве.
Паводле заявы прадстаўнікоў ВПС, мэтай выпрабаванняў было не разбурэнне аўтамабіля, а менавіта траплянне ў рухомы аб’ект.
Boeing –адна з найбуйнейшых у свеце аэракасмічных карпарацый, з’яўляецца вытворцам ракет-носьбітаў, тэлекамунікацыйных спадарожнікаў, грамадзянскіх і вайсковых самалётаў. Таксама Boeing ажыццяўляе дзейнасць у галіне супрацьракетнай абароны, пілатаваных касмічных палётаў і паслуг па запуску касмічных апаратаў. Асноўныя вытворчыя магутнасці кампаніі размешчаныя ў г.Сіэтле (шт.Вашынгтон), штаце Каліфорнія, г.Сэнт-Луіс (шт.Місуры). Штаб-кватэра Boeing знаходзіцца ў г.Чыкага (шт.Ілінойс).
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4848
Каментары