У акупаваным Крыме гарэла расійская казарма, адказнасць узялі на сябе мясцовыя партызаны
У гарадскім пасёлку Савецкі ў анексаваным Расіяй Крыме ўчора адбыўся пажар у казарме, дзе жылі мабілізаваныя расійскія вайскоўцы. Адказнасць за гэту акцыю ўзялі на сябе мясцовыя партызаны з руху «АТЕШ».
У сваім тэлеграм-канале партызаны паведамілі:
«База мабілізаваных арміі РФ у пгт. Савецкі ва ўкраінскім Крыме гарыць.
Нашы агенты спрацавалі як па нотах.
Мы доўга працавалі над гэтым «праектам», і, вядома, у нас усё атрымалася.
Мы будзем працягваць развальваць войска РФ знутры».
Таксама ў паведамленні партызаны ўдакладнілі, што ў выніку пажару ёсць ахвяры, спіс якіх паабяцалі апублікаваць.
Каментары