Свет33

Ва Украіне — скандал праз куплю харчавання для УСУ. Вярхоўная Рада выклікала міністра абароны Украіны

Бліжэйшым часам адбудзецца пасяджэнне камітэта Вярхоўнай Рады па нацыянальнай бяспецы, абароне і разведцы, на якім прааналізуюць публікацыю выдання «Дзеркала тижня» пра магчымае раскраданне сродкаў падчас куплі харчавання для Узброеных сіл Украіны. Пра гэта «Суспільнаму» паведаміла намеснік старшыні камітэта Марʼяна Бязугла.

«Падрабязнасці гэтай кампаніі я вам не распавяду, мы возьмем матэрыялы і разбяромся. Мы пастаянна тэлефануем кіраўніцтву Міністэрства абароны, гэта рэгулярнае мерапрыемства. Але, улічваючы рэзананс, мы будзем надаваць гэтаму пытанню асаблівую ўвагу», — сказала Бязугла.

Бязугла таксама паведаміла на сваёй старонцы ў фэйсбуку, што цяпер Дзяржаўная кантрольная служба Украіны правярае Міністэрства абароны.

«Наша Міністэрства абароны шмат зрабіла падчас вайны ў 2022 годзе. Але нельга ігнараваць нядбайнасць, асабліва карупцыйную рызыку», — напісала яна.

Прэс-сакратар Мінабароны Аляксандр Гаін адмовіўся каментаваць інфармацыю, апублікаваную «Дзеркалом тижня».

Грамадскасць накіравала запыты ў прэс-службу Мінабароны і Дзяржаўную кантрольную службу Украіны.

Што «Дзеркала тижня» напісала

21 студзеня ў выданні «Дзеркала тижня» быў апублікаваны артыкул журналіста і заснавальніка праекта «Нашы грошы» Юрыя Ніколава, у якім гаворыцца, што пры ўдзеле Мінабароны Украіны сродкі на куплю харчавання для Узброеных сіл Украіны раскрадаюцца.

У артыкуле Ніколаў аналізуе дамову Мінабароны на аказанне паслуг па харчаванні ў 2023 годзе для вайсковых часцей, дыслацыраваных у аддаленых ад лініі судакранання Палтаўскай, Сумскай, Кіеўскай, Жытомірскай, Чарнігаўскай і Чаркаскай абласцях, коштам 13,16 млрд грыўняў.

Параўнаўшы дамовы на 2023 і 2021 гады і прааналізаваўшы цяперашнія цэны ў крамах, аўтар адзначае, што цэны на найбольш папулярныя прадукты харчавання ў новым пагадненні Мінабароны аказаліся ў 2—3 разы вышэйшымі.

Так, напрыклад, адзначаецца, што Мінабароны заклала ў дамове цану на яйкі па 17 грн за штуку, а рознічная цана ў краме ў Кіеве цяпер каля 7 грн за штуку; бульбу заказвалі па 22 грн за кілаграм, а рознічная цана ў краме 8—9 грн.

Як піша выданне, кантракт на 13 мільярдаў грыўняў заключыла Мінабароны з ТАА «Компанія «Актив компані», якая зарэгістраваная ў Кіеве і мае статутны капітал тысячу грыўняў.

Таксама вядома, што падатковая служба анулявала ў гэтай кампаніі пасведчанне плацельшчыка ПДВ у сувязі з адсутнасцю паставак і непрадстаўленнем дэкларацый. А ў 2019 годзе «Актив компані» фігуравала ў крымінальнай вытворчасці Нацпаліцыі пад нумарам 12019100100003229.

Журналіст адзначае, што для ўдзелу ў тэндары на пастаўку ялавічыны для ўстаноў выканання пакаранняў і ізалятараў Дзяржаўнай службы выканання пакаранняў кампанія падала сфальсіфікаваны акт, які не адпавядае рэчаіснасці.

Каментары3

  • Джордж
    21.01.2023
    Кралі, і не дзяліліся. Зараз усё вырашаць. Атрымаюць сваю долю і далей будуць красці
  • Па ваенным часе
    22.01.2023
    Джордж,
    Атрымаюць сваю кулю, магчыма.
  • Джордж
    22.01.2023
    Па ваенным часе, вы не маеце ўяўлення, што такое карупцыя ва Ўкраіне

Стрыжак расказаў, як яго вербавалі спецслужбы2

Стрыжак расказаў, як яго вербавалі спецслужбы

Усе навіны →
Усе навіны

У Лідзе затрымалі ўладальніка кавярні «Тутака»

Удзельнік апазіцыйнага руху Віталь Лухвіч выявіўся платным міліцэйскім стукачом27

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

больш чытаных навін
больш лайканых навін

Стрыжак расказаў, як яго вербавалі спецслужбы2

Стрыжак расказаў, як яго вербавалі спецслужбы

Галоўнае
Усе навіны →