Палітвязня Сяргея Капанца ў калоніі змяшчалі ў ШІЗА агулам на 150 сутак
Сябра ініцыятыўнай групы Віктара Бабарыкі абвінавачвалі ў дапамаганні Сцяпану Пуцілу, Раману Пратасевічу і іншым асобам у «арганізацыі масавых беспарадкаў», што выявілася ў перадачы інфармацыі ў бот «экстрэмісцкага» тэлеграм-канала, а таксама ў распаўсюджванні ўлётак, перададзеных яму Юрыем Васкрасенскім.
Суд пакараў палітвязня 5,5 гадамі калоніі ва ўмовах узмоцненага рэжыму.
Былы вязень наваполацкай калоніі распавёў пра ціск на Сяргея:
«Напрыклад, Сяргей Капанец быў у ШІЗА за тое, што пагутарыў з Віктарам Бабарыкам, але рапарт быў напісаны за тое, што ён нібы парушыў лакалізацыю на прамзоне. Наогул Сяргей Капанец — самы часты госць ШІЗА ў ПК-1. Яму вешаюць парушэнні заўсёды з выдуманых прычын. Ён ездзіць у ШІЗА ледзь не штомесяц. Агулам у яго сабралася каля 150 сутак у ШІЗА».
Падтрымайце яго лістамі, паштоўкамі і тэлеграмамі: ПК №1, 211440, г. Наваполацк, вул. Тэхнічная, 8, Cяргей Васільевіч Капанец.
Цяпер чытаюць
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты6
Каментары