Грамадства99

Чаму Лукашэнку ў Зімбабвэ суправаджаў часовы павераны Беларусі ў ЗША? 

Цягам візіту Аляксандра Лукашэнкі ў адну з найбольш адсталых краін свету — Зімбабвэ — яго суправаджаў інтэлігентнага выгляду мужчына ў акулярах. Гэта Дзмітрый Басік. Ён прысутнічаў на інаўгурацыі Байдэна, і на сайце МЗС усё яшчэ пазначаны як часовы павераны Беларусі ў ЗША. Чаму ён цяпер у Зімбабвэ? 

Дзмітрый Басік злева. Фота: тэлеграм-канал «Пул первого»

Басік застаецца часовым павераным, але ўжо нейкі час як пакінуў ЗША і быў у Мінску. 

«Відаць, паколькі ён быў пад рукой, яго ўзялі ў Зімбабвэ ў якасці перакладчыка, у яго бездакорная англійская», — сказаў «Нашай Ніве» адзін з суразмоўцаў.

«Ён заўсёды быў у пуле перакладчыкаў, якія могуць суправаджаць дэлегацыі высокага ўзроўню. І ў Зімбабвэ, хутчэй за ўсё, ён быў па тых жа справах — як перакладчык», — патлумачыў іншы суразмоўца. 

Прафесійныя якасці Дзмітрыя Басіка высока ацэньваюць яго былыя і дзейныя калегі. Ён быў блізкі з нябожчыкам намеснікам міністра замежных спраў Алегам Краўчанкам, які адказваў за амерыканскі кірунак, і апісваецца як спакойны, таварыскі і разумны чалавек. 

Цікавы факт яго біяграфіі: Басік спяваў у беларускім трэш-фолк-метал гурце Vicious Crusade. Гэта быў адзін з заўважных гуртоў свайго часу. Збольшага ён выпускаў англамоўныя хіты, але было і некалькі песень па-беларуску. Апошні альбом называўся Freedom Comes.

Дзмітрый Басік у 2007 годзе

У розны час Басік працаваў у цэнтральным апараце Міністэрства замежных спраў, быў консулам у Нідэрландах і часовым павераным у Канадзе. 

Падчас выбараў у 2020-м на ўчастку ў Вашынгтоне вынікі галасавання, якія апублікавала выбарчая камісія, супалі з данымі экзітполаў, якія праводзіліся на выхадзе з участкаў у беларускіх дыппрадстаўніцтвах за мяжой. Ціханоўская тут атрымала 419 галасоў, тады як Лукашэнка — 13.

«Наша Нiва» — бастыён беларушчыны

ПАДТРЫМАЦЬ

Каментары9

  • Стась
    01.02.2023
    Прадауся рокер калхазанскай хунце.
  • Лякс
    01.02.2023
    Вот так, в молодости поешь Dogs of Justice про мусоров, а потом хоп-хоп и в АП работаешь.
  • хе
    01.02.2023
    Нифига себе какие жизнь выписывает кренделя... Какие разные дорожки например с Лесли из Godstower'а или с этим клоуном из Знича - один в конформисты переметнулся, Лесли на чужбине, третий цирк имени самого себя откалывает... А ничо так группа была для своего времени, Vicious Crusade.

Расія вызваліла зняволенага амерыканца ў рамках нейкай здзелкі з ЗША4

Расія вызваліла зняволенага амерыканца ў рамках нейкай здзелкі з ЗША

Усе навіны →
Усе навіны

Самы папулярны сабака ў Беларусі. Гісторыя «той самай Жужы з запраўкі»5

Што зменіцца на закрытым мосце ў цэнтры Мінска

Ланская на Занзібары, Дарафеева на Кубе, Сярога ў Швейцарыі: дзе адпачываюць зімой лукашэнкаўскія спевакі23

Эканоміку Іспаніі называюць найлепшай у свеце. Як гэта ўдалося?12

У Мінску грамадскі транспарт ідзе з адставаннем у графіку 20 хвілін

Маск прапанаваў амаль $100 мільярдаў за кантроль над OpenAI2

Ці будзе Беларусь плаціць рэпарацыі Украіне? Разважае эксперт39

Яшчэ адзін банк прапанаваў здымаць грошы на касах у крамах

Трамп увёў 25-працэнтныя пошліны на ўвесь імпарт сталі і алюмінію ў ЗША

больш чытаных навін
больш лайканых навін

Расія вызваліла зняволенага амерыканца ў рамках нейкай здзелкі з ЗША4

Расія вызваліла зняволенага амерыканца ў рамках нейкай здзелкі з ЗША

Галоўнае
Усе навіны →

Заўвага:

 

 

 

 

Закрыць Паведаміць