Здароўе77

Восем спосабаў палепшыць працу мозгу

Як прымусіць мозг працаваць лепш і аптымізаваць свой фізічны і псіхалагічны стан? Вось практычныя рэкамендацыі.

Здаровая ежа — адзін з ключоў да інтэлектуальнай спраўнасці

Мозг падобны да мускулаў: трэба карыстацца ім або змірыцца з яго дрэнным станам. На шчасце, ёсць шмат варыянтаў, як зладзіць мозгу трэніроўку: напрыклад, навучыцеся граць на якім-небудзь інструменце, пачніце вучыць новую мову, хадзіць па новым маршруце, знайдзіце сабе новае хобі ці навучыцеся разгадваць незнаёмую вам галаваломку. Такія рэчы стымулююць працу мозгу.

У інтэрнэце можна знайсці шмат платных праграм для трэніроўкі мозгу. Але такія праграмы часта абяцаюць занадта аптымістычныя вынікі ці спрыяюць развіццю такіх навыкаў, якія не надта патрэбныя ў штодзённым жыцці. Замест гэтага пачытайце новую кніжку незвычайнага для сябе жанру або набудзьце цікавую галаваломку. Нарэшце, не злоўжывайце праглядам ютуба і ТБ, бо гэта пасіўны від дзейнасці, які не надта стымулюе працу мозгу. 

Для мозга карысная фізічная актыўнасць

Фізічная актыўнасць нясе карысць не толькі для цела, але і для розуму. Яна паляпшае забеспячэнне клетак кіслародам, спрыяе росту новых нервовых клетак і сувязей паміж клеткамі мозга. Таксама практыкаванні паніжаюць крывяны ціск і ўзровень стрэсу, ды яшчэ і паляпшаюць узровень халестэрыну. 

А цэнтр папярэджання і кантролю за захворваннямі (ЗША) сцвярджае: калі вывучыць новыя танцавальныя рухі, то гэта палепшыць памяць і хуткасць, з якой мозг апрацоўвае інфармацыю. Хочаце праверыць, ці сапраўды гэта працуе? Знайдзіце ў інтэрнэце відэа з цікавымі танцавальнымі рухамі і вывучыце іх, прыхапіце каханага чалавека і адпраўляйцеся на бальныя танцы або самі запішыцеся на зумбу, хіп-хоп ці сальсу.

Добры сон — начны і неперапынены

Пакуль у вас начны адпачынак, ваш мозг, наадварот, працуе і наладжвае сваю працу, таму стаўцеся да сну як да важнага элемента прадуктыўнага жыцця. З іншага боку, занадта шмат сну можа вам нашкодзіць: напрыклад, выклікаць зніжэнне актыўнасці або атлусценне. Арыентуйцеся на 7—8 гадзін чыстага сну кожную ноч, але ўлічвайце і сваё самаадчуванне: калі арганізм лепш за ўсё працуе пасля 9 гадзін сну, значыць, гэта ваша норма. Сачыце за тым, каб сон не быў перарывістым.

Як кантраляваць узровень стрэсу

Лішнія турботы і хваляванні спрыяюць паніжэнню вынікаў у тэстах на інтэлект. Гэта ж датычыць знясілення і дэпрэсіі — яны таксама пагаршаюць нашыя інтэлектуальныя здольнасці.

Калі адчуваеце, што стрэсу ў вашым жыцці зашмат, больш адпачывайце і пераключайцеся. Добрыя таксама ёга, медытацыя, прырода і музыка, якая вам падабаецца. Памятайце: наша рэакцыя на праблему можа прынесці нам больш шкоды, чым сама праблема.

Калі вы апошні раз бралі ў рукі карты? Даследаванне 2015 года, прысвечанае актыўнасцям, што стымулююць мозг, паказала: нават кароткая партыя ў карты павышае актыўнасць некаторых участкаў галаўнога мозга. Яшчэ адзін плюс — гульня ў карты паляпшае памяць і разумовыя здольнасці.

А паводле даследавання 2015 года, асабліва карысныя для мозга тыя віды дзейнасці, пры якіх задзейнічаныя ўсе органы пачуццяў: смак, дотык, нюх, зрок і слых, лепш калі адначасова.

Якая ежа добрая для мозга

Для мозга крытычна важна, каб яго ўладальнік добра еў. Ідэальная дыета выглядае так: максімум гародніны і садавіны, карыснага алею і рыбы, мінімум фаст-фуду, у меру тлушчаў.

Некаторыя віды гародніны паляпшаюць памяць і працу мозгу ў цэлым. Гэта характэрна для брокалі, шпінату і памідораў, а таксама для некаторых ягад. 

У тлустай рыбе і некаторых крупах многа кіслот амега-3, якія прадухіляюць запаленні (у тым ліку ў мозгу), спрыяюць захаванню інтэлекту і прадухіляюць дэпрэсію, празмерную рэакцыю на стрэс і хваляванне. Багатая на пратэіны ежа змяшчае шмат амінакіслот, якія, у сваю чаргу, прымушаюць нейроны вырабляць нейратрансмітары, якія звязваюць з паляпшэннем яснасці розуму.

«Наша Нiва» — бастыён беларушчыны

ПАДТРЫМАЦЬ

Каментары7

  • Максим Дизайнер
    09.03.2023
    тлустая рыба

    Конечно-конечно, а в твоей прикорытной свинине со свинокомплексов с гармонами и антибиотиками ничего вредного нет, особенно в плавающих в жире жаренных шкварках с десятком яиц и картошечкой, как в родной дирэуне любили, откуда ты приехал. К слову жирную рыбу можно заменить столовой ложкой обычного льняного масла, учитывая цены на нее в магазине.
  • Вобла
    09.03.2023
    Максим Дизайнер, вы из поморов ? Тогда вы знаете толк в рыбе.
  • дочка Максима Дизайнера
    09.03.2023
    "откуда ты приехал.", Дизайнер?)
    я вашчэ-та мінчучка. і не ў першым пакаленні)

    п.с. а пра рыбу зараз сапраўды пішуць так - напрыклад, цяжарным рыба чырвоная вельмі пажадана, але не больш за раз у тыдзень менавіта з-за таго, што можа быць забруджана. каб не гэта, то можна было б кожны дзень

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

У Беларусі пачалася перадвыбарчая агітацыя за Лукашэнку ФОТАФАКТ30

Сусветныя цэны на каву б'юць рэкорды. Кошт вашага латэ пад пагрозай5

Ватыкан прызначыў лідскага ксяндза Андрэя Зноска біскупам. Роўна год таму яго затрымлівалі сілавікі

Стала вядома, у чым падазраюць Рамашэўскую, Дзікавіцкага і іншых топ-менеджараў «Белсата»19

У Італіі журналістку аштрафавалі за жарты пра рост прэм'ер-міністра Мелоні — гэта палічылі бодышэймінгам1

Як беларусам ездзіць праз мяжу на аўто, зарэгістраваных у ЕС, калі беларускія нумары акажуцца пад поўнай забаронай4

«Не хочуць разумець, што гэта вайна!» Лукашэнка выказаў прэтэнзіі пацярпелым ад буры25

Ціханоўская сустрэлася з прэзідэнтам Сербіі Вучычам3

Чарга легкавых аўто на ўезд у Польшчу з Беларусі павялічылася ў чатыры разы5

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →