Пуцін памілаваў жонку «вагнераўца», асуджаную за распаўсюджванне наркотыкаў на 16 гадоў
Дзмітрый Каравайчык — ветэрынар з Пецярбурга. У 2018 годзе Каравайчыка і яго жонку Дзіяну Грыбоўскую асудзілі на 17 і 16 гадоў пазбаўлення волі за вытворчасць і збыт наркотыкаў у асабліва буйным памеры.
Журналісты параўноўвалі Каравайчыка з галоўным героем серыяла «Ва ўсе цяжкія», школьным настаўнікам Уолтарам Уайтам. Каравайчык сцвярджаў, што амфетамін яму падкінулі супрацоўнікі паліцыі, а сам ён пад выглядам наркотыку прадаваў тоўчаныя таблеткі, каб знайсці грошы на распрацоўку пратэзаў для жывёл.
Каравайчык увайшоў у лік былых зняволеных, якія ваявалі ва Украіне ў складзе ПВК «Вагнер» і праз паўгода былі памілаваныя.
На якой падставе была памілаваная Дыяна Грыбоўская, не ўдакладняецца.
Інфармацыю пра тое, што Грыбоўская цяпер знаходзіцца на волі, журналістам пацвердзіў яе бацька. Паводле яго слоў, гэта адбылося «па сукупнасці доказаў». «І Дзіма папрасіў, і мы папрасілі. Было памілаванне прэзідэнта», — сказаў мужчына.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары
Абое рабое