Затрыманы ў Мінску расіянін Аляксей Маскалёў знайшоўся ў СІЗА Жодзіна
Аляксей Маскалёў знаходзіцца ў СІЗА Жодзіна, паведамілі Daily Storm у МЗС РФ. Ён чакае рашэння аб дэпартацыі.
«Па стане на 4 красавіка ўказаны грамадзянін пераведзены ў СІЗА горада Жодзіна, дзе чакае рашэння аб дэпартацыі. Мяркуецца, што Маскалёў будзе перададзены ў Расійскую Федэрацыю для адбыцця пакарання на падставе пастановы, раней вынесенай Яфрэмаўскім міжраённым судом Тульскай вобласці», — распавялі ў прэс-службе МЗС.
У ведамстве адзначылі, што скаргаў мужчыны на здароўе ад сваякоў і адвакатаў не паступала.
«Паводле наяўнай інфармацыі, умовы яго ўтрымання адпавядаюць патрабаванням нацыянальнага заканадаўства», — дадалі прадстаўнікі ведамства. Раней СМІ пісалі, што адвакатам Маскалёва невядомае яго месцазнаходжанне.
Аляксея Маскалёва асудзілі на мінулым тыдні да двух гадоў калоніі па справе аб «дыскрэдытацыі арміі», а яго дачку, якая намалявала антываенны малюнак, забралі ў прытулак.
Аднак у суд Маскалёў не з'явіўся. Выявілася, што ён уцёк з Расіі. Праз суткі Маскалёва затрымалі ў Мінску пасля таго, як ён неасцярожна ўключыў мабільны.
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША11
Каментары