Onliner выдаліў галіну форуму, звязаную з атрыманнем карты паляка
Галіна «Карта паляка. Махнём легальна ў Польшчу?» цяпер недаступная, хоць яшчэ нядаўна там вялося абмеркаванне нюансаў атрымання карты паляка, заўважыў канал БГМ.

Гэта не першы выпадак выдалення «адчувальных» для рэжыму Лукашэнкі тэм з форуму Onliner. У кастрычніку 2022 года з форуму зніклі галіны, звязаныя з войскам і прызывам, піша канал.
На пачатку верасня 2022 года Лукашэнка рэзка выказаўся ў адрас уладальнікаў карты паляка. А ўжо 21 верасня быў апублікаваны праект змен у закон аб грамадзянстве. Беларусаў, якія атрымалі грамадзянства альбо дазвол на жыхарства замежнай дзяржавы, абавязалі інфармаваць пра гэта органы ўнутраных спраў. Калі чалавек знаходзіцца за мяжой, то пра гэта трэба будзе паведаміць у замежныя дыпламатычныя прадстаўніцтвы.
Пачынаючы з 2008 года карту паляка атрымала больш за 160 тысяч грамадзян Беларусі.
Каментары