У ЗША арыштавалі беларуса за абыход антырасійскіх санкцый на $150 мільёнаў
Сяргея Карпушкіна абвінавачваюць у абыходзе санкцый у інтарэсах бізнэсоўца Сяргея Курчанкі.
Улады ЗША арыштавалі грамадзяніна Беларусі Сяргея Карпушкіна па абвінавачванні ва ўдзеле ў схеме па абыходзе антырасійскіх санкцый на $150 млн, гаворыцца ў заяве амерыканскага Мінюста.
«Грамадзянін Беларусі — 46-гадовы Сяргей Карпушкін з Маямі — быў арыштаваны і абвінавачаны ў федэральным злачынстве ў сувязі з удзелам у схеме парушэння санкцый ЗША», — сказана ў паведамленні.
Паводле звестак Мінюста, Карпушкін і яго саўдзельнік — жыхар штата Фларыда Джон Унсалан, — цягам трох гадоў удзельнічалі «ў схеме з мэтай абыходу амерыканскіх санкцый, уведзеных у дачыненні да алігарха Сяргея Курчанкі». Следства мяркуе, што яны закупілі для двух звязаных з Курчанкам кампаній сталеплавільныя матэрыялы на $150 млн.
Беларусу ставіцца ў віну злачынная змова з мэтай абыходу або парушэння амерыканскіх санкцый. У выпадку прызнання вінаватым яму пагражае да 20 гадоў турэмнага зняволення.
Курчанка — грамадзянін Украіны. Пасля Еўрамайдана ён пераехаў у Беларусь, а затым у Маскву. Служба бяспекі Украіны раней сцвярджала, што Курчанка ў парушэнне ўкраінскага заканадаўства атрымаў расійскае грамадзянства. Пры Віктары Януковічы ён быў адным з найбагацейшых людзей Украіны і лічыўся адным з найбуйнейшых у краіне гандляроў вуглевадародамі.
Пад заходнія санкцыі бізнэсовец трапіў у красавіку 2022 года. У ЕС заяўлялі, што ён «пры падтрымцы прарасійскіх сепаратыстаў» узяў пад свой кантроль некалькі буйных металургічных, хімічных і энергетычных заводаў у Данбасе, а яго кампанія «Газ-Альянс» манапалізавала здабычу вугалю ў рэгіёне. Складальнікі спісу таксама мяркуюць, што Курчанка «атрымаў выгаду з незаконнай схемы экспарту данбаскага вугалю ў Расію і Еўропу насуперак санкцыям ЕС» праз расійскія парты, пастаўляў паліва ў Крым і дапамагаў іншым кампаніям абыходзіць санкцыйныя абмежаванні.
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі13
Каментары