У Бруселі і краінах G7 схіляюцца да таго, што найбольш рэалістычнай перспектывай прыцягнення да адказнасці вінаватых у злачынстве агрэсіі супраць Украіны будзе «гібрыдны трыбунал». Пра гэта паведамляе Deutsche Welle са спасылкай на неназванага чыноўніка ЕС.
«Гібрыдны трыбунал» мог бы сумясціць нацыянальную юрысдыкцыю Украіны і працэс на аснове міжнароднага права з суддзямі з розных краін.
Чыноўнік удакладніў, што, паводле ацэнак экспертаў Еўрапейскага саюза ў галіне міжнароднага права, міжнародны трыбунал на аснове ўкраінскай юрысдыкцыі — гэта найбольш верагодны варыянт ажыццяўлення правасуддзя ў гэтым выпадку.
«Трыбунал будзе служыць палітычнаму імператыву, які заключаецца ў прыцягненні да адказнасці», — сказаў чыноўнік. Ён таксама дадаў, што для ЕЗС вельмі важна, каб Украіна ратыфікавала Рымскі статут, на падставе якога дзейнічае Міжнародны крымінальны суд.
Як адзначылі ў Еўракамісіі, для стварэння як «гібрыднага трыбунала», так і спецыяльнага міжнароднага трыбунала патрэбная магутная падтрымка ААН.
За злачынствы агрэсіі адказвае вышэйшае палітычнае і ваеннае кіраўніцтва Расіі. Але яно мае міжнародны імунітэт, а значыць, для такога трыбунала неабходна зняць імунітэт, напрыклад, з кіраўніка дзяржавы-агрэсара, кіраўніка яго ўрада і міністра замежных спраў.
-
Каталікі-трампісты ўз'еліся на першага амерыканскага Папу: Леў XIV працягвае лева-прагрэсіўную палітыку Францішка
-
У 10‑мільённым Тэгеране дэфіцыт вады. Жыхароў папярэдзілі пра магчымую эвакуацыю
-
Нарвегія можа стаць гарантам еўрапейскага крэдыту Украіне, вылучыўшы на гэта частку свайго Суверэннага фонду
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»26
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары