Выдавецтва Беларускага Экзархату па благаслаўленні Мітрапаліта Мінскага і Слуцкага Філарэта плануе факсімільнае аднаўленне некаторых старажытных пісьмовых помнікаў: «Полацкага Евангелля» (XII ст.), «Супраслеўскіх Ірмалогій», «Лаўрышэўскага Евангелля» (XII—XIII стст.).
Выканаўчы дырэктар Выдавецтва Беларускага Экзархату Уладзімір Грозаў падкрэслівае, што дадзены праект з’яўляецца працягам супрацоўніцтва з дзяржаўнымі структурамі па вяртанні гістарычных, духоўных, культурных каштоўнасцяў.
«Такім чынам гэту скарбніцу, гэтыя каралі вялікіх духоўных помнікаў у факсімільным выглядзе мяркуецца вярнуць на радзіму, даць доступ навуковай грамадскасці, якая цікавіцца, распрацоўвае гэтыя пытанні, шматлікім энтузіястам і людзям, якія любяць і цікавяцца гісторыяй», — адзначыў Уладзімір Грозаў. Дырэктар выдавецтва патнфармаваў, што факсімільныя выданні будуць прадстаўлены і ў электроннай версіі, бо «бясцэнныя скарбы, якія раскіданы па ўсім свеце, належаць нашаму народу, павінны служыць нашаму народу, духоўнаму аднаўленню нацыі».
Факсімільнае выданне «Полацкага Евангелля» плануецца здзейсніць да святкавання 1150‑годдзя Полацка, якое горад адзначыць у 2012 г.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»5
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары