Такое рашэнне суд прыняў у сувязі з тым, што апошняе месца рэгістрацыі дзяўчыны на тэрыторыі РФ — Смаленск.
Прэсненскі суд Масквы накіраваў на разгляд у суд Смаленска прадстаўленне Федэральнай службы выканання пакаранняў аб перадачы асуджанай у Беларусі грамадзянкі РФ Сафіі Сапегі для адбыцця пакарання ў Расію, піша «Спутнік».
«Справа перададзена для разгляду ў Прамысловы раённы суд Смаленска», — удакладнілі ў судзе.
Рашэнне звязана з тым, што ў Смаленску знаходзіцца апошняе месца рэгістрацыі Сапегі на тэрыторыі РФ. Раней паведамлялася, што справу маглі разглядаць ва Уладзівастоку, так як апошняе афіцыйнае месца пражывання дзяўчыны — востраў Рускі.
Нагадаем, Сафія Сапега была затрыманая 23 мая 2021 года ў мінскім аэрапорце пасля прымусовай пасадкі самалёта Ryanair Афіны — Вільня.
6 мая 2021 года суд у Гродне прысудзіў яе да шасці гадоў калоніі агульнага рэжыму па артыкулах аб наўмысных дзеяннях па распальванні сацыяльнай варожасці, а таксама аб незаконным зборы і распаўсюдзе звестак аб прыватным жыцці сілавікоў, суддзяў, пракурорскіх работнікаў, чыноўнікаў, што пацягнула шкоду пацярпелым.
Цяпер Сапега адбывае пакаранне ў гомельскай жаночай калоніі.
Раман Пратасевіч быў асуджаны 3 мая 2023 года да васьмі гадоў калоніі ўзмоцненага рэжыму. 22 мая яго памілаваў Лукашэнка.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»4
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары