Аляксандр Лукашэнка і Рэджэп Таіп Эрдаган у Анкары ў красавіку 2019 года. Фота: trpresidency / Twitter
Старшыня Палаты прадстаўнікоў Нацыянальнага сходу Уладзімір Андрэйчанка прадставіць Беларусь на інаўгурацыі прэзідэнта Турцыі Рэджэпа Таіпа Эрдагана 3 чэрвеня. Пра гэта паведаміў прэс-сакратар МЗС Беларусі Анатоль Глаз, піша БЕЛТА.
Паводле яго слоў, 1 чэрвеня беларускі бок атрымаў запрашэнне прыняць удзел у цырымоніі інаўгурацыі пераабранага прэзідэнта Турцыі Рэджэпа Таіпа Эрдагана.
«Улічваючы высокі ўзровень палітычных і гандлёва-эканамічных адносін з Турцыяй, а таксама актыўнае міжпарламенцкае ўзаемадзеянне бакоў, у гэтым урачыстым мерапрыемстве прыме ўдзел старшыня Палаты прадстаўнікоў Нацыянальнага сходу Рэспублікі Беларусь Уладзімір Андрэйчанка», — расказаў Анатоль Глаз.
Чаму, «улічваючы высокі ўзровень палітычных і гандлёва-эканамічных адносін з Турцыяй», на інаўгурацыю не паедзе Лукашэнка, не паведамляецца.
Чытайце таксама:
Кіраўнік выбаркама Турцыі афіцыйна абвясціў перамогу Эрдагана ў другім туры прэзідэнцкіх выбараў
Орбан расказаў, што маліўся за перамогу Эрдагана. «Інакш была б трагедыя»
Лукашэнка і Пуцін павіншавалі Эрдагана з перавыбраннем на пасаду прэзідэнта Турцыі
