Праменад па набярэжнай вадасховішча Дразды стаў яшчэ прыгажэйшым. Там з'явілася амаль сапраўдная пальмавая алея.
![](http://nashaniva.com/img/w840d4webp1/photos/z_2023_06/palma1_230609-6w01d.jpg.webp)
Фота: «Мінск-Навіны»
Ролю пальмаў выконваюць вербы. Іх высадзілі ў арыгінальныя вазоны, пераплялі галінкі, у выніку чаго і атрымаўся такі незвычайны эфект, паведамляюць «Мінск-Навіны».
Праўда, не варта чакаць «вау-эфекту» адразу. Трэба разумець, што раслінам патрабуецца час, каб разрасціся, набраць масу.
![](http://nashaniva.com/img/w732d4webp1/photos/z_2023_06/palma3_230609-px6wu.jpg.webp)
Фота: «Мінск-Навіны»
Дарэчы, гэта не адзіная навінка на набярэжнай. Гэтую зону адпачынку добраўпарадкоўваюць. Вясной тут высадзілі больш за 60 кустоў руж.
У пешаходнай зоне азеляняльнікі анансавалі з'яўленне масіву шматгадовых раслін, у тым ліку злакавых культур. Агулам раслін будзе 8,5 тысячы.
![](http://nashaniva.com/img/w732d4webp1/photos/z_2023_06/palma4_230609-4qmgu.jpg.webp)
Каментары