На памежным пераходзе ў Каменным Логу сабралася больш за 200 аўтамабіляў — Памежны камітэт
Дзяржаўны памежны камітэт Беларусі паведаміў, што на памежным пераходзе «Каменны Лог» на беларуска-літоўскай мяжы чэргі з грузавікоў, якія ўжо аформілі з беларускага боку, але якія не пускаюць у Літву, складаюць ужо больш за 200 аўто.
Паводле ДПК, беларуская мытня працуе ў стабільным рэжыме, транспартныя сродкі афармляюцца без затрымак. Прычына ж стварэння чаргі — тое, што з 13:00 літоўскі бок закрыў рух для ўсіх відаў транспарту, які ідзе на выезд з Беларусі праз пункт пропуску «Каменны Лог — Меднікі», а з 13:30 — і на ўезд у Беларусь, за выключэннем рэйсавых аўтобусаў.
Прадстаўнік дзяржаўнай памежнай службы (VSAT) Гедрус Мішуціс патлумачыў, што рашэнне часова прыпыніць перасячэнне мяжы праз гэты КПП было прынятае таму, што беларускія ўлады адмовіліся прыняць грамадзяніна Пакістана, які спрабаваў заехаць у Літву па падробленых дакументах.
Каментары