80% абітурыентаў, якія ўдзельнічаюць у агульным конкурсе, маюць сумарны бал вышэйшы за 300. Гэты паказчык на 13 працэнтаў большы за леташні, паведамляе прэс-служба БДУ.
Фота: «Наша Ніва»
«Яшчэ адзін факт, які пацвярджае якасную і адказную падрыхтоўку абітурыентаў, — распавёў рэктар БДУ Андрэй Кароль, — гэта павелічэнне ў разы колькасці маладых людзей са стабальнымі вынікамі па ЦЭ і ЦТ. Сёлета ў БДУ пададзена 579 такіх сертыфікатаў. Найбольшая колькасць па рускай мове — 128 — і матэматыцы — 109».
Таксама Андрэй Кароль сказаў, што сёлета БДУ дасягнуў гістарычнага максімуму.
На завочную бюджэтную форму навучання конкурс склаў 1,7 чалавека на месца. На 150 месцаў пададзена 260 заяў.
Найбольш высокі конкурс на спецыяльнасці, дзе праводзяцца ўнутраныя выпрабаванні:
- «графічны дызайн і мультымедыя-дызайн» — 14,8 чалавека на месца;
- «дызайн касцюма і тэкстылю» — 5,2 чалавека на месца;
- «дызайн прадметна-прасторавага асяроддзя» — 8,2 чалавека на месца.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым3
Каментары