Учора з'явілася інфармацыя пра затрыманне рэдактаркі медыякампаніі «Ранак» са Светлагорска Юліі Даўлетавай. Яна ўжо на волі, паведамляе «Гомельская вясна».
Юлію Даўлетаву сілавікі забралі ўчора раніцай, а адпусцілі ў другой палове дня.
У чэрвені шэраг работнікаў «Ранка» ўжо затрымлівалі, на іх былі накладзеныя арышты і штрафы за «экстрэмізм у тэлефоне» па артыкуле 19.11 КаАП. Тады Юліі Даўлетавай сярод затрыманых не было.
Пазней сайт «Ранка» быў закрыты, а 4 ліпеня суд Чыгуначнага раёна Гомеля аб’явіў яго і адпаведныя старонкі ў сацсетках «экстрэмісцкімі матэрыяламі».
Затрыманні ў чэрвені адбыліся пасля таго, як «Ранак» першым паведаміў пра выбух і гібель людзей на Светлагорскім цэлюлозна-кардонным камбінаце.
Чытайце таксама:
Былы палітзняволены Леанід Судаленка выехаў з Беларусі
Каментары