Сёння ў праваслаўных, якія трымаюцца юліянскага календара, — трэці Спас, або Палатняны Спас, Хлебны, Арэхавы.
Праваслаўная царква адзначае ў гэты дзень свята ў гонар перанясення ў Канстанцінопаль Нерукатворнага вобраза Ісуса Хрыста ў 944 годзе.
У народзе Палатняным яго называюць таму, што ў гэты дзень адбываліся кірмашы і гандлявалі палатном.
У многіх мясцінах у гэты дзень спраўлялі дажынкі, казалі: «Трэці Спас — хлеба прыпас». У гэты дзень або каля яго сяляне рабілі дасеўкі, г. зн. сеялі азімае жыта.
Да гэтага дня паспявалі арэхі і пачынаўся іх збор.
Адляталі апошнія ластаўкі. Лета сканчаецца.
Каментары