Даляр падаражэў на паўтары капейкі і зноў пераскочыў за планку 3,20 рубля
Усе асноўныя замежныя валюты сёння выраслі.

На таргах у Мінску 30 жніўня даляр вырас на 1,70 капейкі да 3,2135 беларускага рубля.
Планку 3,20 у гэтым годзе амерыканская валюта брала 11 жніўня. На наступных таргах, 14 жніўня, даляр вырас на 6 капеек і дабраўся да 3,2651, але потым пачалося зніжэнне. 18 жніўня ён каштаваў 3,1290.
Еўра вырас на 3,2 капейкі да 3,49.
Расійскі рубель павялічыўся на 0,18 капейкі да 3,3498 за 100 адзінак.
Кітайскі юань вырас на 1,47 капейкі да 4,3971 за 100 адзінак.
На пачатку года курсы былі наступныя: даляр — 2,7364, еўра — 2,9073, расійскі рубель — 3,7835 за 100 адзінак, юань — 3,8617.
А найдаражэй даляр і еўра каштавалі на таргах 15 сакавіка 2022 года — 3,3195 і 3,6670 беларускага рубля адпаведна.
Каментары