Гэты шматпавярховік знаходзіцца не навідавоку: стандартны панэльны гмах схаваўся ў глыбіні вуліцы Макаёнка, «прыкрыўшыся» ад вялікага свету новабудоўлямі. Дзевяць паверхаў, некалькі пад'ездаў, вокны, сцены… Будынак пад нумарам 13а ніколі б не прыцягнуў ніводнага позірку, калі б не шыкоўнае «адзенне», якое пакрывае яго фасад.
Ужо некалькі дзесяцігоддзяў на адным баку дома расце вінаграднік. І менавіта дзеля яго мінчукі збочваюць з праспекта Незалежнасці ці выбіраюцца з нетраў парку Чалюскінцаў. Такое трэба сфатаграфаваць, раіць Onliner.
У гэтым годзе праз цёплае надвор'е лісце ўсё ніяк не хацела мяняць колер. Калі ў 2022-м усё здарылася яшчэ ў пачатку кастрычніка, то ў 2023-м зеляніна здалася толькі ў другой дэкадзе. Ды і то пакуль не дае раскрыцца бардоваму колеру. Так што для самых сакавітых кадраў трэба пачакаць, мабыць, яшчэ тыдзень-паўтара. І можна будзе ладзіць рамантычныя экскурсіі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі69
Каментары