У Іўеўскім раёне легкавік сарваўся з дамкрата і прыціснуў мужчыну. Яго даставалі выратавальнікі
21 кастрычніка ў Іўеўскім раёне ратавальнікі атрымалі паведамленне, што легкавы аўтамабіль прыдушыў мужчыну.
Фота з месца здарэння: МНС
56-гадовы пацярпелы быў у прытомнасці і расказаў, што збудаваў сам эстакаду, заехаў на яе, але не паставіў транспартны сродак на ручны тормаз.
Калі ён рамантаваў аўтамабіль, машына зʼехала з эстакады і заціснула яе ўладальніка. На крыкі аб дапамозе адрэагавалі суседзі, якія выклікалі МНС.
Ратавальнікі прыўзнялі транспартны сродак і вызвалілі мужчыну. Медработнікі яго агледзелі, шпіталізацыя не спатрэбілася.
Каментары