Сёння ў старанна зманціраванай справаздачы з нарады па пытаннях унутранай і замежнай палітыкі зноў бачна, як галава Аляксандра Лукашэнкі трымціць.
Чатыры дні таму ў кадр упершыню трапіла, як у Аляксандра Лукашэнкі падчас саміту АДКБ дрыжэла галава.
Медыкі патлумачылі, што такі трэмар можа быць як прыкметай старэння, так і сімптомам хвароб або эмацыйнага напружання.
— Трэмар — маркер нейкіх неўралагічных змен. Насамрэч прычын для наяўнасці такога сімптому вельмі шмат. Асабліва ў людзей немаладых гадоў. Часцей за ўсё трэмар узнікае не як вынік нейкіх цяжкіх хвароб, а як наступствы распаўсюджаных хранічных хвароб кшталту остэахандрозу хрыбетніка.
Таксама ў медыцыне ёсць такое паняцце як эсэнцыяльны трэмар — калі гаварыць простымі словамі, гэта калі ўзрост бярэ сваё і ў чалавека ўзнікаюць праблемы з тым, як працуе неўралагічная сістэма. Трэмар можа быць і наступствам нейкага эмацыянальнага напружання, — сказаў «Нашай Ніве» спецыяліст у вобласці ангіяхірургіі (сасудзістая хірургія).
Каментары