Forbes уключыў беларуску ў топ-20 найлепшых прадпрымальніц тэхіндустрыі Кіпра
Заснавальніца AI-стартапа Soula беларуска Наталля Міранчук увайшла ў топ-20 Women in Tech на Кіпры паводле версіі Forbes, піша Devby.io.
Forbes Cyprus Women in Tech — гэта прэмія, якая ўручаецца жанчынам-прадпрымальніцам, якія ўнеслі значны ўклад у развіццё тэхналагічнай галіны ў краіне, а таксама актыўна ўдзельнічалі ў дабрачынных і сацыяльных ініцыятывах.
Soula-AI — праграма для дапамогі цяжарным жанчынам і бацькам. У праграме ёсць персаналізаваная інфармацыя аб цяжарнасці, родах і пасляродавым перыядзе, чат-бот і бібліятэка.
Стартап заснавала беларуска Наталля Міранчук. На пачатку гэтага года праект ацэньваўся ў 2 мільёны даляраў. Адной з першых інвестарак праекта была беларуская мадэль Кацярына Даманькова. Таксама ў Soula інвеставала расійская мадэль Наталля Вадзянава.
Увесну AI-праграма ўвайшла ў дзясятку найлепшых стартапаў на думку Thousand Faces. У верасні праект перамог у міжнародным конкурсе стартапаў на Кіпры. Стартап атрымаў 15 тысяч еўра фінансавай падтрымкі і магчымасць удзельнічаць у міжнароднай праграме ад Microsoft. У кастрычніку праграма Soula выйграла ў конкурсе стартапаў, якімі кіруюць жанчыны, на Мальце, і атрымала прыз у памеры 80 тысяч даляраў.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары