Свет1111

Sejmflix and chill. Анлайн-трансляцыі пасяджэнняў парламента Польшчы сенсацыйна б'юць рэкорды

Сусветныя СМІ пішуць пра імклівы рост папулярнасці праглядаў пасяджэнняў парламента Польшчы. Колькасць падпісчыкаў канала Сейма на YouTube наблізілася да 700 тысяч. У чым прычына?

Сейм Польшчы Сейм Польши Sejm
Зала пасяджэнняў Сейма Польшчы. Скрын відэа SejmRP_PL / YouTube

Як піша Financial Times, новы спікер Сейма Шыман Галоўня пераўтварыў парламенцкія дэбаты ў сенсацыю.

Ураджэнец Беластока Галоўня — лідар партыі «Польшча 2050», якая ўваходзіць у новую кіроўную кааліцыю. Узначаліўшы ў лістападзе Сейм, 47-гадовы спікер, які раней вёў польскую версію тэлешоу Got Talent, параіў грамадзянам «запасацца папкорнам» і глядзець парламенцкія дэбаты, якія, як ён паабяцаў, стануць больш захапляльнымі і натхняльнымі.

Выданне адзначае, што дасціпнасць і непасрэднасць спікера пераўтварылі яго ў галоўную сенсацыю ў сацыяльных сетках. Сам Галоўня расказаў выданню, што польскі Сейм цяпер стаў «самым папулярным парламентам у свеце».

Тыя ж выбаршчыкі, якія ў кастрычніку стаялі ў чэргах перад выбарчымі ўчасткамі, каб перамагчы кіроўную тады партыю «Закон і справядлівасць», цяпер «хочуць убачыць, як адбываюцца змены».

Шымон Галаўня Шимон Головня Szymon Hołownia
Спікер парламента Польшчы Шыман Галоўня. Скрын відэа SejmRP_PL / YouTube

Сесія парламента, на якой адбывалася галасаванне за кандыдатуру Дональда Туска на пасаду прэмʼер-міністра, набрала ў YouTube 4,2 мільёна праглядаў.

Цяпер кожная трансляцыя пасяджэнняў Сейма набірае па некалькі сотняў тысяч праглядаў. А канал парламента мае 690 тысяч падпісчыкаў (гэта больш чым у пяць разоў перавышае колькасць падпісчыкаў нямецкага Бундэстага) і сярэбраную кнопку. Пасяджэнні сталі настолькі папулярнымі, што іх пачалі трансляваць у кіназалах.

Як адзначае Financial Times, шмат хто з палякаў глядзіць за палітычнымі зменамі як за найлепшым серыялам. Выданне падкрэслівае, што менавіта цікавасць моладзі фарміруе пастаянны рост папулярнасці польскага Сейма. Папулярны сярод маладых людзей слоган «Netflix and chill» заменены на «Sejmflix and chill».

«Я б хацеў, каб у людзей увайшло ў звычку глядзець пасяджэнні Сейма, хоць я разумею, што цяперашнія лічбы праглядаў будзе вельмі цяжка падтрымліваць. Грамадзянін, які сочыць за ўладаю, — аснова дэмакратыі», — цытуе выданне Шымана Галоўню.

Акрамя гэтага, спікер заяўляе, што Сейм будзе больш адкрытым і канструктыўным:

«Ад парламента, у якім да апазіцыі ставіліся з пагардай, у якім адключалі мікрафон і дзе галасаванне паўтаралася, калі вынік не задавальняў выканаўчую ўладу, мы вярнуліся да вытокаў парламентарызму».

Выданне звяртае ўвагу, што адпаведна з апытаннямі грамадскага меркавання Ibris, вынікі якога былі апублікаваныя ў снежні, Галоўня зʼяўляецца палітыкам, які карыстаецца найбольшым даверам насельніцтва, апераджаючы прэмʼер-міністра Дональда Туска і прэзідэнта Анджэя Дуду.

Чытайце яшчэ:

У польскім Сейме разгарэўся скандал на антысеміцкім грунце

Новы польскі прэм'ер Дональд Туск прадставіў свой будучы ўрад

У Польшчы перамагла апазіцыя. Як гэта адаб’ецца на Беларусі

Каментары11

  • Common sense
    03.01.2024
    Перед распадом совка все смотрели заседания ВС. В нормальном обществе политика не должна быть уделом пролов.
  • Легенда
    03.01.2024
    Існуе легенда, што ў беларускім "парламенте" адключаюць усе кнопкі акрамя кнопкі "ЗА", каб прэстарэлыя паўсляпыя ківалы з начосамі не націснулі спрасоння іншую клавішу)))
  • Так
    03.01.2024
    Не быць такому на Белой Руси, бо какая разница і можа так і трэба з рускім (расейскім) зместам.

Журналісты атрымалі дакументы, датычныя смерці Навальнага. Яны ўказваюць на тое, што яго маглі атруціць12

Журналісты атрымалі дакументы, датычныя смерці Навальнага. Яны ўказваюць на тое, што яго маглі атруціць

Усе навіны →
Усе навіны

У цэнтры Мінска гарэў гандлёвы цэнтр

МЗС Літвы заявіла, што не атрымлівала ад Мінска прапаноў па нармалізацыі адносін. І назвала некалькі ўмоў7

Усаў расказаў, як трэба было зразумець словы Пазняка пра Лукашэнку і Калеснікаву86

Суперзоркі, дасціпны гумар і заблытаныя забойствы. На экране чацвёрты сезон ледзь не дасканалага дэтэктыва1

«Насралу забілі, калі ён глядзеў прамову Нетаньяху ў ААН». Як Ізраіль падмануў лідара «Хезбалы»10

74-гадовага мужчыну асудзілі за «абразу» і «паклёп» на Лукашэнку1

Алі Хаменеі перавялі ў бяспечнае месца7

У нядзелю схаладае да +10°С

Рыжанкоў заявіў, што Мінск адкажа на наўмыснае прымяненне Кіевам дронаў па Беларусі13

больш чытаных навін
больш лайканых навін

Журналісты атрымалі дакументы, датычныя смерці Навальнага. Яны ўказваюць на тое, што яго маглі атруціць12

Журналісты атрымалі дакументы, датычныя смерці Навальнага. Яны ўказваюць на тое, што яго маглі атруціць

Галоўнае
Усе навіны →