Уладзімір Парфяновіч будзе трэніраваць зборную Расіі па байдарках і каноэ
Трохразовы алімпійскі чэмпіён па веславанні на байдарках і каноэ, кіраўнік дэпутацкай групы «Рэспубліка» пасля навагодніх святаў з’язджае працаваць у штабе нацыянальнай расійскай зборнай па веславанні на байдарках і каноэ.
Славуты ў мінулым беларускі спартсмен, трохразовы алімпійскі чэмпіён па веславанні на байдарках і каноэ, кіраўнік дэпутацкай групы «Рэспубліка» ў Уладзімір Парфяновіч заявіў, што пасля навагодніх святаў з’язджае працаваць у штабе нацыянальнай расійскай зборнай па веславанні на байдарках і каноэ.
— Сапраўды я буду працаваць у расійскай зборнай па веславанні на байдарках і каноэ, — распавядае Уладзімір Парфяновіч. — Буду адказваць за ўсе нацыянальныя каманды.
— Як паступіла прапанова і калі?
— Запрасілі ў гэтым месяцы. Усё было ўзгоднена, на канферэнцыі Федэрацыі веславання Расіі была прапанавана мая кандыдатура. Ніхто не пярэчыў.
— Умовы задавальняюць?
— Безумоўна. У мяне адкрыты каштарыс, магу ляцець у любы пункт Расіі на любыя спаборніцтвы, каб аказваць дапамогу не толькі нацыянальным камандам, але і спартыўным цэнтрам. У Беларусі ж мне месца не знайшлося. А кавалак хлеба трэба шукаць. Есці ж трэба нешта.
— Праца пастаянна ў раз’ездамі?
— У гэтым яна і будзе заключацца — лётаць ад Уладзівастока да Калінінграда. І ад Амерыкі да Еўропы.
— Атрымліваецца, што — будзеце трэніраваць канкурэнтаў беларускай зборнай?
— У Беларусі застаюцца ўсе мае сябры і ў нацыянальнай камандзе, і ў Федэрацыі … А канкурэнтамі спартсмены становяцца, толькі калі выходзяць на дарожку. Але я ў любы момант магу дапамагчы і нашай зборнай, калі папросяць дапамогі або савета.
— Кантракт ўжо падпісаны?
— Не, ён будзе падпісаны адразу ж пасля святаў. Пакуль яшчэ не ведаю, на які тэрмін, але, думаю, што да Алімпійскіх гульняў буду працаваць дакладна.
Цяпер чытаюць
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі12
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2222
Каментары