«Калі не дасі, будзе скакаць!» У Гомелі торбы з крамы носіць дадому сабака ВІДЭА
Відэа, на якім сабака нясе дахаты пакет з прадуктамі, гомельскае выданне «Моцныя навіны» знайшло ў тыктоку, а пасля пагутарыла з яго гаспадыняй.
Жанчына расказала, што сабаку завуць Герда, а быць памочніцай падахвоцілася яна сама.
Неяк раз «яна сама папрасіла, каб ёй што-небудзь далі пранесці дадому». На Герду з грузам звярталі ўвагу мінакі, а гаспадары потым пахвалілі. Жывёліне відавочна спадабалася такая ўвага, і з таго часу паходы ў краму выглядаюць толькі так.
Па словах гаспадыні, калі не даць Гердзе што-небудзь пранесці, то яна сама будзе скакаць і вырываць усё з рук.
«Нясе да кватэры, чым цяжэйшая ношка, тым хутчэй ідзе. Каля ліфта часам даводзіцца забіраць сілай, а сама аддае толькі ў кватэры», — расказала жыхарка Гомеля.
Чытайце таксама:
У тыктоку захапляюцца мінчуком, які едзе ў метро з трусікам. Але не ўсё так адназначна
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»7
Каментары