У Беларусі адкрыецца яшчэ адно аддзяленне Расійскага цэнтра навукі і культуры, які прасоўвае ідэі «рускага свету»
Аддзяленне Расійскага цэнтра навукі і культуры (РЦНК), які размешчаны ў Мінску, можа адкрыцца ў Гродне да «Дня яднання народаў РФ і Беларусі», які адзначаецца 2 красавіка.
«Мы атрымалі дзяржаўнае бюджэтнае фінансаванне на адкрыццё культурнага цэнтра. <…> Спадзяюся, што да Дня адзінства народаў Расіі і Беларусі 2 красавіка мы адкрыемся ў Гродне, у нас будзе яшчэ адзін культурны цэнтр, аддзяленне нашага РЦНК у Мінску там будзе працаваць», — цытуе словы кіраўніка Рассупрацоўніцтва Яўгена Прымакова ТАСС.
Яўген Прымакоў — унук таго самага Прымакова, які кіраваў урадам Расіі ў канцы 1990-х.
Філіялы цэнтра дзейнічаюць у Мінску, Брэсце і Гомелі. Цэнтр займаецца прасоўваннеі расійскай адукацыі, навукі і культуры, умацаваннеі пазіцый рускай мовы, гісторыка-мемарыяльнай дзейнасцю.
Каментары