Дзятлаўская раёнка прапануе далучыцца да чат-бота «Перамога». Вы сур'ёзна?
Дзятлаўская раённая газета «Перамога» асвойвае сучасныя платформы і прапануе чытачам з дапамогай QR-кода падключыцца да чат-бота ў тэлеграме. Яго назва прадказальна супадае з назвай мабілізацыйнага плана «Перамога».
Беларусаў, якія праз чат-бот зарэгістраваліся ў плане «Перамога», улады шматкроць называлі тэрарыстамі. Супраць стваральнікаў плана — былых сілавікоў з арганізацыі «Байпол» — заведзеная і ўжо перададзеная ў суд крымінальная справа, звяртае ўвагу «Радыё Рацыя».
Абвінавачаным інкрымінуюць 12 артыкулаў Крымінальнага кодэкса, у тым ліку здраду дзяржаве, заклікі да санкцый, дзеянні з мэтай захопу дзяржаўнай улады, арганізацыя акту тэрарызму ды іншае.
Што будзе, калі міліцыя знойдзе ў чыім-небудзь смартфоне рэгістрацыю ў чат-боце дзятлаўскай «Перамогі», невядома. Ад чытачоў газета мірна чакае прапаноў і матэрыялаў, якія рэдакцыя зможа выкарыстаць, каб хутка вырашаць мясцовыя праблемы.
Каментары