«Чорны дзень для ССА». УСУ паведамілі пра гібель байцоў 73-га цэнтра спецаперацый
Расійскія СМІ паведамляюць пра гібель 20 украінцаў.
Пры выкананні баявога задання ў сутыкненні з расійскімі вайскоўцамі загінулі вайскоўцы ўкраінскага 73-га марскога цэнтра спецыяльных аперацый.
«Забяспечваючы адыход асноўных сіл групы пасля выканання спецыяльнага задання воіны прынялі свой апошні бой, навечна застаўшыся ў страі», — гаворыцца ў паведамленні Сіл спецаперацый. Падрабязнасці задання і дзе яго выконвалі вайскоўцы УСУ не ўдакладняюцца. Колькі чалавек загінула, не паведамляецца.
Чыноўнікі анексаванай РФ Херсонскай вобласці і прапагандысцкія расейскія выданні паведамілі, што група ўкраінскіх дыверсантаў спрабавала высадзіцца на Тэндраўскай касе на поўдні Херсонскай вобласці, піша «Медуза».
Старшыня мясцовага прарасійскага руху «Мы разам з Расіяй» Уладзімір Рогаў заявіў, што гаворка ідзе пра групу 73-га марскога цэнтра ВМС Украіны, якая была практычна цалкам «знішчаная» расійскімі вайскоўцамі.
Пракрамлёўскі тэлеграм-канал Mash паведаміў, што ўкраінскія вайскоўцы спрабавалі высадзіцца на Тэндраўскай касе на пяці лодках. У выніку бою вайскоўцы РФ падбілі чатыры лодкі, пятай атрымалася сплысці. Як сцвярджаецца, загінулі не менш за 20 украінскіх вайскоўцаў, адзін быў паранены і трапіў у палон. Расейскія вайскоўцы, піша Mash, захапілі некалькі вінтовак, кулямётаў і гранатамётаў, у тым ліку вытворчасці ЗША і Нямеччыны.
Украінскае выданне «Страна» адзначыла, што 28 лютага ў сацсетках украінскіх вайскоўцаў з'явіліся паведамленні пра «чорны дзень для ССА». У каментарах вайскоўцы задаваліся пытаннем аб мэтазгоднасці аперацыі на Тэндраўскай касе, якая знаходзіцца ў глыбокім тыле войскаў РФ.
Чытайце таксама:
Расія мае план вайны з Кітаем — FT
За дзесяць дзён расійская армія прасунулася на пяць кіламетраў на ўсходзе Украіны
Цяпер чытаюць
Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»23
Каментары