Падлеткі з Беларусі і Украіны разбурылі пчальнік Музея каралеўскага палаца ў Варшаве
Хлопчык-беларус і дзяўчынка-ўкраінка раскідалі пчальнік на тэрыторыі Музея палаца караля Яна III у варшаўскім Вілянуве. Аб злачынстве паведамілі ў паліцыі польскай сталіцы, піша «Мост».
Разбураныя вуллі падчас абходу знайшоў супрацоўнік музея. Пяць вулляў аказаліся спустошаныя, рамкі — паламаныя, а пчаліныя семʼі загінулі. З 20 пчаліных семʼяў, якія жылі на тэрыторыі музея, загінулі тры, стан астатніх правяраюць.
Аб здарэнні паведамілі паліцыі.
Афіцэры вывучылі доказы. Высветлілася, што злачынцы ўзялі вогнетушыцелі і разбілі імі вуллі.
«Гэтае месца, дзе праводзяцца адукацыйныя заняткі і курсы пчалярства, а мёд з пчальніка выкарыстоўваўся для кулінарных майстар-класаў, якія праводзяцца ў нашым музеі. Пчолы аказваюць вялікі ўплыў на экасістэму і на наша жыццё. Мы не можам апісаць, якая шкода была нанесена гэтым актам вандалізму», — напісалі супрацоўнікі музея ў фэйсбуку.
Падчас расследаванняў высветлілася, што вуллі разбурылі падлеткі. Абоім па 13 год. Хлопец — грамадзянін Беларусі, дзяўчынка — з Украіны. Іх затрымалі і дапыталі. Свае паводзіны дзяўчынкі растлумачылі тым, што ім захацелася пакаштаваць мёду.
Падлеткам выставілі абвінавачанні ў знішчэнні маёмасці і парушэнні закона аб ахове жывёл. Іх далейшы лёс вырашыць суд па сямейных справах.
Каментары
(тут магла б быць інтэграцыя са Снікерсам)