МУС расказала, колькі «дармаедаў» знайшло ў сельскай мясцовасці. Лічба здзіўляе
Міліцыя адпрацавала ўжо 400 вёсак і аграгарадкоў.
У сельскай мясцовасці ў Беларусі пражывае звыш 70 тысяч чалавек, уключаных у базу «дармаедаў».
З іх больш за тры тысячы чалавек знаходзяцца на ўліку як хатнія скандалісты, звыш шасці тысяч раней былі судзімыя, паведамляе МУС.
З фігурантамі спісаў працуюць супрацоўнікі міліцыі і іншыя зацікаўленыя асобы. За месяц міліцыянты наведалі 700 адрасоў сем'яў з дзецьмі, у якіх хтосьці з бацькоў не працуе. Па выніках рэйду 250 чалавек былі працаўладкаваны.
МУС распрацавала цэлы план па забеспячэнні дысцыпліны і грамадскага парадку ў сельскай мясцовасці. Мабільныя групы міліцыі цяпер патрулююць вёскі і аграгарадкі. Сілавікі адпрацавалі ўжо 400 такіх населеных пунктаў.
Каментары