Прагноз Сусветнага банка па росце сусветнай эканомікі палепшаў. Што наконт Беларусі?
Сусветны банк у сваім свежым дакладзе аб глабальных эканамічных перспектывах перагледзеў свой больш ранні прагноз па росце сусветнага ВУП — чаканні арганізацыі сталі больш аптымістычнымі.
У дакуменце ўказана, што пасля некалькіх гадоў шокаў рост сусветнай эканомікі застанецца стабільным у 2024 годзе, а потым паскорыцца ў бліжэйшыя пару гадоў, у тым ліку дзякуючы асцярожнаму змякчэнню грашова-крэдытнай палітыкі па меры паступовага зніжэння інфляцыі, піша myfin.by.
У пачатку года спецыялісты Сусветнага банка прадказвалі рост глабальнага ВУП на ўзроўні 2,4%, аднак зараз чакаюць, што ён складзе 2,6%.
Паводле ацэнкі арганізацыі, эканомікі развітых краін вырастуць у 2024 годзе ў сярэднім на 1,5%: у ЗША — на 2,5%, у еўразоне — на 0,7%, у Японіі — на тыя ж 0,7%. Для краін, якія развіваюцца, сярэднія тэмпы будуць на ўзроўні 4%: для Індыі — 6,6%, Кітая — 4,8%, Нігерыі — 3,3%, Расіі — 2,9%, Саудаўскай Аравіі — 2,5%, Бразіліі — 2%.
У той жа час у 2025 і 2026 гадах рост ВУП планеты павінен скласці 2,7%.
Пры гэтым у арганізацыі адзначылі, што глабальныя эканамічныя перспектывы ўсё яшчэ застануцца слабымі, асабліва ў краінах, што развіваюцца. На гэта ўплываюць рызыкі эскалацыі геапалітычнай напружанасці, далейшай фрагментацыі гандлю і больш высокіх працэнтных ставак, а таксама стыхійных бедстваў, звязаных са змяненнем клімату.
Прагноз Сусветнага банка адносна эканомікі Беларусі на гэты раз застаўся нязменным у параўнанні з ацэнкай, зробленай у красавіку: ВУП нашай краіны ў 2024 годзе павялічыцца на 1,2 працэнта, у 2025 годзе — на 0,7 працэнта, у 2026 годзе — на 0,5%.
Лукашэнка памілаваў экс-кіраўніка сваёй аховы Уцюрына7
Каментары
Спадар Тіхановіч са спадарыняй Паплаўскай пра эканамічныя прагнозы і сусьветныя шклянкі